Om os

Biskoppinngortitsinissap kinguartinnera

Biskopinngortitsinissap kinguartinneqarnera

Naalakkersuisut ulloq 10. juni 2021 nalunaaruteqarput biskopinngortitsinissap siorna 22. november pisussaagaluartoq maanna 1. august pisussanngortinneqartoq pillugu.

 

Kisiannili sapaatip akunnerata kingulliup ingerlanerani COVID-19-ip innuttaasut akornanni tunillaassuunnera annertunerusoq pisimavoq, tamatumalu kinguneralugu killilersuinernik assigiinngitsunik eqqussisoqarnera. Piffissamilu matumani inerteqqutaavoq illup iluani aaqqissuussisoqarsinnaanera ingerlatsinernik assigiinngitsunik inuit 20-init amerlanerusut peqataaffigisaannik.

 

Biskopinngortitsinissaq ilagiinni pisussat annerpaat ilagisussaammassuk kissaataavoq ulloq nalliussineqassasoq periaatsit tamatumani ileqquusut nalinginnaasut naapertorlugit, sapinngisamillu ilagiinniit annertuumik peqataaffigineqartumik, tamannalu pissutsit maanna atuuttut iluanni ajornarluni. Piffissami matumani killilersuinerit 30. juli 2021-p tungaanut atuupput, kisiannili nalorninaateqarmat killilersuinerit pineqartut sivitsorneqarumaarnersut Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup Biskoppeqarfik isumasioreerlugu aalajangiuppaa biskopinngortitsinissaq piffissaligaanngitsumik kinguartinneqarallassasoq.

 

Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsen tamatumunnga atatillugu imatut oqaaseqaateqarpoq : Soorunami assut uggornarpoq aammaarluta biskopinngortitsinissaq kinguartittariaqaratsigu. Amerlavugut ullormut nalliussisassatsinnut qilanaarsimasut, kisianni pingaaruteqarpoq nunatsinni ilagiit nutaamik biskopinngortitsinissatsinni nalliuttorsioqataanissaat, piffissamilu matumani nalorninaateqarmat tamanna pisinnaanersoq, Biskoppeqarfik isumasioreerlugu pisussaq kinguartipparput.”  

 

Sukumiinerusumik paasisaqarusukkaanni attavissaq:

Line Hasselriis (Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik)

LAND@nanoq.gl

Den 10. juni 2021 meddelte Naalakkersuisut, at bispevielsen, der skulle have fundet sted 22. november sidste år, nu skulle afholdes 1. august. 

Der har dog inden for den seneste uge været et større smitteudbrud af COVID-19, og dette har medført indførelsen af en række nye restriktioner. Det er på nuværende tidspunkt blandt andet ikke tilladt at afholde indendørs arrangementer, begivenheder, aktiviteter eller lignende, hvor flere end 20 personer deltager.

 

Da bispevielsen er en af de største begivenheder inden for folkekirken, er det ønskeligt at dagen fejres på traditionel vis og med så stor tilslutning fra menigheden som muligt, og dette kan ikke lade sig gøre under de gældende forhold. På nuværende tidspunkt gælder restriktionerne frem til 30. juli 2021, men da det er uvist om disse vil blive forlænget, har Departementet for Uddannelse, Kultur og Kirke i samråd med Bispekontoret besluttet at udskyde bispevielsen på ubestemt tid.

 

Naalakkersuisoq for Uddannelse, Kultur, Idræt og Kirke Peter Olsen udtaler: Det er selvfølgelig meget ærgerligt at vi endnu en gang må udskyde bispevielsen. Vi er mange der har gået og set frem til denne store dag, men det er vigtigt at vi kan have menigheden med til fejringen af Kalaallit Nunaanni Ilagiits nye biskop, og da det på nuværende tidspunkt er uvist om det kan lade sig gøre, har vi i samråd med Bispekontoret besluttet at udskyde den.”

 

For nærmere information kontaktes:

Line Hasselriis (Departementet for Uddannelse, Kultur, Forskning og Kirke)

LAND@nanoq.gl

Scroll to Top