Kalaallit Nunaata Biskoppia

Ulloq 01. november 2013 Kallaallit Nunaat Ukiut 20-ngortorsiorpoq namminerisamik biskoppeqarfittut.

Kalaallit Nunaanni biskoppi siulleq tassaavoq Kristian Mørch. Tulleralugu Sofie Petersen.

Ulloq 1. december 2020 Paneeraq Siegstad Munk biskoppinngorpoq.

Ulloq 21. juni 2009 Ilageeqarneq Namminersorlutik Oqartussanngorlaanit tamakkiisumik ingerlanneqalerpoq. Tamaalilluni inatsisiliorneq aammalu ilageeqarnermik ingerlatsineq Inatsisartut ataaniilerpoq (Inatsisartoqarfik) aammalu Naalakkersuisuniilerluni.

Tamatuma kingunerisaanik ilageqarneq ulloq 01. august 2010 namminerisamik Ilageeqarnermut inatsiseqalerpoq – Inatsisartut inatsisaat nr. 9 19. maj 2010-meersoq.

Biskoppi ulloq 01. august 2010 Namminersorlutik Oqartussat iluaniilerpoq.

Ilageeqarnermut inatsimmi atuarneqarsinnaavoq Kalaallit Nunaanni Ilageeqarnermi biskoppi qitiusumik aqutsisoqarfiusoq aammalu allaffissornermi oqartussaasoq. Tassunga atatillugu biskoppip ilagiinni sulisut aammalu allaffissornermik suliaqartut ilageeqarnermilu assiginngitsutigut kiffartortut nakkutigisassarivai.

Paneeraq Siegstad Munk

E-mail: pasm@ilagiit.gl
Telefon: +299 34 94 22
CV: Hent
Scroll to Top