Kalaallit Nunaanni Ilagiit ataani dansk-isut oqaasilinnut palasitut atorfik nutaamik inuttaligassaq inuttalerneqassaaq 1. oktober 2024 imaluunniit isumaqatigiinnikkut.
Atorfik uani inissisimavoq:
Palaseqarfik Nuuk, Provsteqarfik Qeqqa Tunulu.
Atorfik: Qinnuteqartut Ilageeqarneq pillugu Inatsisartut Inatsisaat nr. 9 ulloq 19. maj 2010-meersoq, kingusinnerusukkut allanngortinneqartoq, tak. kap. 7,atorfinitsitsinermi malinneqassapput.

Iluaqutaassaqaaq qinnuteqartussaq Kalaallit Nunaanni pissutsinut ilisimasaqassaguni aammalu palasiulertussaq  danskisut aammalu tuluttut oqallorissuuguni.

Aningaasarsiat aamma sulilernissamut tunngasut kiisalu pequttanik angallassineq:
Aningaasarsiatigut isumaqatigiissutini atugassarititaasoq atorfininnermi aallaaviussaaq.

Palasit bachelorinngorniarnermik naammassinninnikkut angusaralugu Bach. Theol aammalu palasinngortitaareernikut aningaasarsiaqarput 01.04.2022 aningaasarsiat tunngaviusut 32.273,27, aningaasarsianik tapisiaq 1.476,70, piareersi-manermut tapisiaq 4.095,59 kiisalu allaffissornermi tapisiat 416,67

Palasit kandidatinngorniarnermik naammassinninnikut angusaralugu Cand. Theol aammalu palasinnngortitaareernikut aningaasarsiaqarput 01.04.2022 aningaasarsiat tunngaviusut 35.020,63, aningaasarsianik tapisiaq 1.773,06, piareersi-manermut tapisiaq 4.095,59 kiisalu allaffissornermi tapisiat 416,67

Sapaatip akunneranut 40 tiimit suliffiupput.

Atorfik pillugu

Illoqarfik marlunnik oqaluffeqarpoq isumagisassaasunik.

Annaassisitta oqaluffia domkirkerisarput aammallu Hans Egede oqaluffia, tassaniillunilu palasit allaffiat. Palasit allaffiat illoqarfiup qeqaniippoq.

Palaseqarfimmi dansk-isut oqaasilittut palasiunermi palasit allat marluk suleqatigineqassapput.

Dansk-isut oqaasilittut naalagiartitsisoqartarpoq sapaammi nal. 12

Dansk-isut oqaasilittut dansk-isut oqaasilinnut apersortittussanik atuartitsineq ingerlanneqartarpoq, tamannalu pisarpoq ualikkut oqaluffiit arlaanni.

Nalinginnaasumik palasitut suliassat saniatigut, iserfiginiarneqassapput Kalaallit Nunaanni atuagarsualerinermik inatsisit, aammalu sullissinermi inatsisit.

Ukioq allortarlugu palasit ataatsimiinnerat ingerlanneqartarpoq, palasitut dansk-isut oqaasilittut soorunalimi aamma peqataaffigineqartussamik.

Angalasarnissaq naatsorsuutigineqassaaq provsteqarfigisami palaseqarfinnut allanut ilagiinnut tunngassutilinnik suliassaartsillugu naalagiartitsisoqartusaatilluguluunniit.

Paasissutissat amerlanerusut biskopip allaffianut saaffiginnilluni pineqarsinnaapput, imaluunniit provsteqarfiit pineqartut allaffiinut saaffiginnilluni. Oqarasuaatit normui sumiiffiillu www.ilagiit.gl qupperlugu takuneqarsinnaapput. Eqqaamallugu akunnermik sisamanik nikingagatta, Danmarki siulliulluni.

Nuuk pillugu

Nuuk Kalaallit Nunaanni illoqarfiit pingaarnersaraat, mannakkullu 19.900-it missaani illoqarfiup inui amerlassuseqarput.

Illoqarfik pingasoqiusanut aggulussimavoq, Nuuk, Nuussuaq aammalu Qinngorput. Meeqqeriveqarpoq, atuarfeqarpoq aammalu friskole ataaseq. Ilinniarfissuaqarpoq – GUX aammalu Ilisimatusarfik. Illoqarfik nipilersornermik ilinniarfeqarpoq.

Ulluinnarni atugassanik pisinniarfippassuaqarpoq, atisaarniarfeqarluni aammalu kultoorikkut illorsuaqarpoq Katuaq, tassanilu filmertoqarsinnaalluni, isiginnaartitsisoqartarluni aammalu nipilersornermik tusarnaartitsisoqartarluni. Nuussuarmik naluttarfeqarpoq – Malik. Ukiuunerani periarfissaqarpoq sisoraarnissamik. Majuartaateqarlunilu ujakkaartarfeqarpoq. Aamma periarfissaqarpoq snescooterinissamik imaluunniit umiatsiarluni angalanissamut.

Illoqarfik ingerlalluartunik tamanit ilaaffigineqarsinnaasunik angallassisoqarpoq.

Qinnuteqarneq qinnuteqarfissallu killinga

Qinnuteqaatit Naalakkersuisoqarfimmeeriissapput, biskoppip allaffia, box 90, 3900 Nuuk kingusinnerpaamik 12. september 2024.

Tjenestemandit soraarnernut, atorfik suliffigineqassaaq ukiut 5-t. (70 ukioq).

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.