Biskoppeqarfik Kalaallit Nunaanni ilagiit suleqatissarsiorsimapput ilagiinni ikiuineq annertusarumallugu, taamaalilluni Menighedsplejen i Danmark aamma Sømandsmissioni peqatigalugit ilagiinni ikiuineq illoqarfinni sisamaasuni suliniutitut aallartinneqarsinnaalerpoq.
Kalaallit Nunaata Biskoppia Paneeraq Siegstad Munk suliniummi qitiuvoq, suliniutigaalu ilagiinni ikiuinerup malunnaatilimmik annertusarneqarnissaa. Suliniutip tunngavigaa ilagiit inuiaqatigiinni nukittorsaataasumik tunniusseqataassasut, oqaluffiit sapaataannarmi naalagiarfittut atorneqarunnaarlutik inoorusussutsimik qaffassaanermi aamma atorneqalernissaat neriuutigaa.
Suliniummi suleqatigiit pingasuussapput, tassa ilagiit, SØMA, aamma inuiaqatigiit toqqagaat, illoqarfinni Nuuk, Sisimiut, Aasiaat aamma Ilulissani misiliutitut aallartiffeqartussat. Illoqarfinni taakkunani peqatigiiffiliortoqassaaq, najukkami sammisaqartitsinerit aaqqissuuttarnerinik ataqatigiissaarneqarnissaannillu suliaqartussanik. Soorlu Toqukkut qimagaanerup kinguneranik aliasuuteqartunik oqaloqatigiittarfiit, meeqqat aasaanerani aallarsinnaanngitsut sammisaqartittarnerisigut. Suliassat nammineq piumassutsimik ikiuuttunik suleqateqarluni, illoqarfinni taaneqartuni inunnik sisamanik atorfinitsitsinikkut ingerlanneqartassapput.
Sømandshjemmikkut ukiut 50-it sinnerlugit Kalaallit Nunaanniissimapput, imarsiortunut aalisartunullu ilagiinnik ikiuineq ingerlattarpaat. Tamanna suliaq ingerlaannassaaq, Generalsekretær Nicolaj Wibep nuannaarutigaa, ilagiit kalaallit lutherikkuusut inunnut amerlanerusunut pitsaanerusumik atugassaqarlutik suliamik pitsanngorsaaqatigissagamikkit.
Menighedsplejen i Danmark ukiut 100 sinnerlugit ilagiinnik ikiuinermik suliaqartuupput. Taamaattumik Mette Møbjerg Madsenip, Menighedsplejen i Danmarkimi generalsekretæriusup nuannaarutigaa Kalaallit Nunaanni ilagiinnik ikiuinerup siuarsarneqarnerani misilittakkatik annertuut atorlugit tapersersuisinnaaleramik.
Aningaasat 6 millionit koruunit A.P.Møller Støttefondianit tunissutaasut, Kalaallit Nunaanni Ilagiinni, ilagiinni ikiuinerup pitsanngorsarnissaanut suliniummut aningaasaliisuupput.
Annertunerusumik paasisaqarusukkuit attavissat ukuupput:
Biskop Paneeraq Siegstad Munk, Pasm@ilagiit.gl Telefon (+299) 493911
Generalsekretær Mette Møbjerg Madsen, mmm@menighedsplejen.dk Telefon 26890621
Generalsekretær Nicolaj Wibe, somandsmissionen.dk. Telefon (+299) 236996