Genève, 14. januar 2026

Amerikkami naalakkersuinikkut siuttut Kalaallit Nunaannik piginnittoorusunnerat aqutsisoorusunnerallu, Kalaallit Nunaata inuisa namminersornermut ingerlasuusut, isumaannut akerliulluinnarpoq. Amerikkarmiut kissaateqarnerat nutaamik nunasiaatilinngorniarnertut ippoq.

Nunarsuarmi Ilagiit suliniaqatigiiffiat (WCC) Kalaallit Nunaata biskoppiata Paneeraq Siegstad Munkip nalunaarutaa ilalerpaat, taanna amerikkarmiunut saaffiginnissuteqarmat, kiffaanngissuseqarneq, ataqqinassuseq inuillu nammineq siunissaminnik aalajangiillutik toqqaasinnaanerannik ataqqinnikkunik, qinikkatik saaffigisariaqaraat kalaallinik illersuillutik, tassa kalaallit nammineq siunissartik pillugu aalajangiisussaanerannik illersuillutik.

Biskop Paneeraq ersarissumik allappoq: “Eqqartorpagut Inuit pisinnaatitaaffii, ataqqinassusaat aamma nunat tamalaat akornanni inatsisit isumaqatigiissutillu”. Inuiannguuvugut amerlanngitsut maaniippugulli. Siunissarput qulaatiinnarluta aalajangersaavigineqarsinnaanngilaq. Nammineq oqaaseqarpugut, kultureqarluta, siuligut meeqqagut siunissarpullu maaniippoq. Inuit pineqarput pigisatut pissusilersorfigineqassanngilagut. Kalaallit Nunaat tuniniagaanngilaq pisiarineqarsinnaasoq. Angerlarsimaffipput tuniniagaanngilaq.”

Inuiaat kalaallit nammineq oqartussaaffeqarput annaaneqartussaanngitsumik, maannalu namminiilivinnissap tungaanut suliaqarput, tamanna nammineq Naalakkersuisoqarnermikkut Danskillu naalagaaffiata suleqatigiinneratigut ingerlavoq. Pisinnaatitaaffii isumaallu pimoorunneqassapput ataqqineqarlutillu.

Nunarsuarmi ilagiit suliniaqatigiiffiata isumakuluutigaa annertusiartortumik amerikkap siuttuisa pissusilersuutaat, tamanna ataqqinninnginnerummat Naalagaaffiit ataasiakkaat oqartussaaffiinik, namminerlu aalajangiisussaanerannik, aamma nunat tamalaat eqqisseqatigiillutik sulinerannik. Amerikkami naalakkersuisut piumaffigaagut maanna nunat tamalaat akornanni pissusilersuutitik taakkualu kinguneri eqqarsaatigilluaqqullugit. USAp nunat tamalaat akornanni sulinera pillugu.

Palasi Professori Dr. Jerry Pillay

Generalsekretæri

Nunarsuarmi ilagiit suliniaqatigiiffiat

Nalunaarut tuluttooq uani atuarneqarsinnaavoq: https://oikoumene.org/resources/documents/wcc-statement-on-greenland