Kalaallit Nunaanni ilagiit 1.april 2024 Inatsisartut akuerisaannik, Naalagaaffimmit inunnik nalunaarsuisussaatitaanerat annertusaavigineqarpoq. Ataatassarsiuussisarneq anaanaaqataanerullu nalunaarsornissaanik pisussaaffilerneqarluni.

Meeqqat 1.april 2024-mit inunngortut sapaatit akunneri sisamat qaangiutinnginnerini Palaseqarfimmi inunngorfiusutut nalunaarsuisumit angajoqqaavi nalunaarsorneqartussanngorput. Allaffissornikkut annertusaanerup kingunerisaanik allaffimmiunik atorfiit 8 pilersinneqarput – taakkua Palasip ikiortaanik taajuuteqarput.

Sinerissami Palaseqarfiit Tasiilaq, Qaqortoq, Sisimiut aamma Ilulissat kiinnanik nutaanik suleqatitaassapput juni 2024-mi. Palaseqarfiit Upernavik, Aasiaat September 2024-mi. Palaseqarfik Nuummi amerlanerpaanik meerartaarfiusartumi marlunnik Palasi ikiortaanik allaffimmi sulisoqalissaaq.

Angajoqqaanngortut pilluaqqullugit Palaseqarfimmit attavigineqartalereerput, namminerlu pappilissat piumasarineqartut atsiorlugit tunniukkiartorsinnaalerpaat. Taamaalilluni qangatut Eqqartuussiviup aalajangiinissaanik utaqqinani ingerlaannaq inunngortut angajoqqaavi tamarmik nalunaarsorneqarsinnaalerput.